اس نے کیا کیا نہیں دیا مجھ کو

اس نے کیا کیا نہیں دیا مجھ کو

چین پھر بھی نہیں ملا مجھ کو

کل شب ہجر شرمسار ہوئی

تو نہیں ہے نہیں لگا مجھ کو

اب کتابوں سے کچھ نہیں ہو گا

مار ڈالے گا تجربہ مجھ کو

سوچتا ہوں کہ اب کہاں جاؤں

تو بھی پاگل نہ کر سکا مجھ کو

مجھ سے آگے نہیں نکل سکتا

وہ نہیں دے گا راستہ مجھ کو

میں جو بڑھتا ہوں سر ورق کی طرف

کھینچ لیتا ہے حاشیہ مجھ کو

میں چھپا رہتا زندگی میں اور

تو کہیں اور ڈھونڈتا مجھ کو

میں وہی شور لکھتا رہتا ہوں

جس نے خاموش کر دیا مجھ کو

us ne kya kya nahin diya mujh ko

chain phir bhi nahin mila mujh ko

kal shab-e-hijr sharmsar hui

to nahin hai nahin laga mujh ko

ab kitabon se kuchh nahin hoga

mar dalega tajriba mujh ko

sochta hun ke ab kahan jaun

tu bhi pagal na kar saka mujh ko

mujh se age nahin nikal sakta

wo nahin dega rasta mujh ko

main jo barhta hun sar waraq ki taraf

khinch leta hai hashiya mujh ko

main chhupa rahta zindagi mein aur

tu kahin aur dhundta mujh ko

main wahi shor likhta rahta hun

jis ne khamosh kar diya mujh ko