اس سے اس کے بغیر باتیں کیں
Fahmi Badayuni (b. 1952)اس سے اس کے بغیر باتیں کیں
پھر بھی بولے بغیر باتیں کیں
ہاتھ میرے اسی لیے تو کٹے
ہاتھ جوڑے بغیر باتیں کیں
آج تو اس نے بھی ہماری طرح
سوچے سمجھے بغیر باتیں کیں
میں نے ناراض کر دیا اس کو
جھوٹ بولے بغیر باتیں کیں
us se us ke baghair baten kin
phir bhi bole baghair baten kin
hath mere isi liye to kate
hath jore baghair baten kin
aj to us ne bhi hamari tarah
soche samjhe baghair baten kin
main ne naraz kar diya us ko
jhut bole baghair baten kin