ہم تو روٹھے تھے آزمانے کو

ہم تو روٹھے تھے آزمانے کو

کئی آیا نہیں منانے کو

جانے کیا بیر ہے زمانے کو

پھل سمجھتا ہے آشیانے کو

پارساؤں نے غور سے دیکھا

چلتے پھرتے شراب خانے کو

صحن کی خاک بام کے تنکے

کچھ تو دے دو دوا بنانے کو

اور کتنا بلند ہو جاؤں

تیری چوکھٹ پہ سر جھکانے کو

کیا ستم ہے کہ مار کر پتھر

بھول جاتا ہے وہ نشانے کو

اس نے پر بھی مرے نہیں کترے

میں تو راضی تھا پھڑپھڑانے کو

ہم بڑی دور چل کے آئے ہیں

پاؤں اک شخص کے دبانے کو

ham to ruthe the azmane ko

kai aya nahin manane ko

jane kya bair hai zamane ko

phal samajhta hai ashiyane ko

parsaon ne ghaur se dekha

chalte phirte sharab khane ko

sehn ki khak bam ke tinke

kuchh to de do dawa banane ko

aur kitna buland ho jaun

teri chaukhat pe sar jhukane ko

kya sitam hai ke mar kar patthar

bhul jata hai wo nishane ko

us ne par bhi mire nahin katre

main to razi tha pharpharane ko

ham bari dur chal ke ae hain

paon ik shakhs ke dabane ko