آخری بار دیکھنا ہے اسے

آخری بار دیکھنا ہے اسے

پھر لگاتار دیکھنا ہے اسے

کچھ نہ کچھ تو دوا بتائے گا

ہو کے بیمار دیکھنا ہے اسے

وجہ دیدار دیکھنا ہے مجھے

طرز دیدار دیکھنا ہے اسے

سیکڑوں شعر اس پہ کہنے ہیں

سیکڑوں بار دیکھنا ہے اسے

وہ مرا حال دیکھ کر سمجھا

کتنا دشوار دیکھنا ہے اسے

akhiri bar dekhna hai use

phir lagatar dekhna hai use

kuchh na kuchh to dawa bataega

ho ke bimar dekhna hai use

wajh-e-didar dekhna hai mujhe

tarz-e-didar dekhna hai use

saikron sher us pe kahne hain

saikron bar dekhna hai use

wo mira hal dekh kar samjha

kitna dushwar dekhna hai use