ہم ترے غم کے پاس بیٹھے تھے

ہم ترے غم کے پاس بیٹھے تھے

دوسرے غم اداس بیٹھے تھے

بس وہی امتحاں میں پاس ہوئے

جو ترے آس پاس بیٹھے تھے

شاہ کو بھا گئی تھی اک داسی

سب مصاحب اداس بیٹھے تھے

آندھی آئی تو انکشاف ہوا

کرسیوں پر لباس بیٹھے تھے

بام و در کو نہیں دکھائی دئے

تم ہمارے ہی پاس بیٹھے تھے

آج تھا بادشاہ کا تیجا

قبر پر صرف داس بیٹھے تھے

دوستوں نے ہنسا دیا آ کر

اچھے خاصے اداس بیٹھے تھے

ham tire gham ke pas baithe the

dusre gham udas baithe the

bas wahi imtihan mein pas hue

jo tire as pas baithe the

shah ko bha gai thi ik dasi

sab musahib udas baithe the

andhi ai to inkishaf hua

kursiyon par libas baithe the

bam-o-dar ko nahin dikhai diye

tum hamare hi pas baithe the

aj tha badshah ka tija

qabr par sirf das baithe the

doston ne hansa diya a kar

achchhe khasse udas baithe the