سہارے جانے پہچانے بنا لوں

سہارے جانے پہچانے بنا لوں

ستونوں پر ترے شانے بنا لوں

اجازت ہو تو اپنی شاعری سے

ترے دو چار دیوانے بنا لوں

ترا سایہ پڑا تھا جس جگہ پر

میں اس کے نیچے تہہ خانے بنا لوں

ترے موزے یہیں پر رہ گئے ہیں

میں ان سے اپنے دستانے بنا لوں

ابھی خالی نہ کر خود کو ٹھہر جا

میں اپنی روح میں خانے بنا لوں

sahare jane pahchane bana lun

sutunon par tire shane bana lun

ijazat ho to apni shayari se

tire do char diwane bana lun

tira saya para tha jis jagah par

main us ke niche tah khane bana lun

tire moze yahin par rah gae hain

main un se apne dastane bana lun

abhi khali na kar khud ko thahar ja

main apni ruh mein khane bana lun