ہم ہی نے سیکھ لیا رہ گزر کو گھر کرنا

ہم ہی نے سیکھ لیا رہ گزر کو گھر کرنا

وگرنہ اس کی تو عادت ہے در بہ در کرنا

نہ اپنی راہ تھی کوئی نہ کوئی منزل تھی

تبھی تو چاہا تھا تجھ کو ہی ہم سفر کرنا

تھیں گرچہ گرد مرے خامشی کی دیواریں

تمہارے واسطے مشکل نہیں تھا در کرنا

تمہاری ترک و طلب جسم و روح کی الجھن

ہمیں بھی آ نہ سکا خود کو معتبر کرنا

تری نگاہ تغافل شعار کے صدقے

ہمیں بھی آ ہی گیا ہے گزر بسر کرنا

جو اب کے درد اٹھا دل میں آخری ہوگا

جو ہو سکے تو اسے میرا چارہ گر کرنا

میں چور چور ہوں دیکھو بکھر نہ جاؤں کہیں

مری دعاؤں کو اتنا نہ بے اثر کرنا

بہار آئی ہے اس بار کچھ لکھیں ہم بھی

سکھاؤ ہم کو بھی اس درد کو شجر کرنا

ham hi ne sikh liya rah guzar ko ghar karna

wagarna us ki to adat hai dar ba dar karna

na apni rah thi koi na koi manzil thi

tabhi to chaha tha tujh ko hi ham safar karna

thin garche gard mire khamushi ki diwaren

tumhare waste mushkil nahin tha dar karna

tumhari tark-o-talab jism-o-ruh ki uljhan

hamen bhi a na saka khud ko motabar karna

tiri nigah-e-taghaful shiar ke sadqe

hamen bhi a hi gaya hai guzar basar karna

jo ab ke dard utha dil mein akhiri hoga

jo ho sake to use mera chara gar karna

main chur chur hun dekho bikhar na jaun kahin

miri duaon ko itna na be asar karna

bahar ai hai is bar kuchh likhen ham bhi

sikhao ham ko bhi is dard ko shajar karna