اپنے لیل و نہار کی باتیں

اپنے لیل و نہار کی باتیں

جبر کی اختیار کی باتیں

ہر طرف کب سے ہو رہی ہیں یہاں

گردش روزگار کی باتیں

چار سو یاں پہ موجزن ہیں سراب

زیست کے ریگزار کی باتیں

اک زمانہ گزر گیا یوں ہی

ہم ہیں اور دشت خار کی باتیں

اس کڑی دھوپ میں مذاہب میں

شجر سایہ دار کی باتیں

ہے زمیں سخت آسماں چپ ہے

واہ رے پرور دگار کی باتیں

جس کی اک بھی جھلک نہ دیکھی کبھی

کیا ہوں اس پردہ دار کی باتیں

مت کرو بے حصار کی باتیں

مت کرو بے کنار کی باتیں

یہ جو پیاری زمیں ملی ہے تمہیں

بس کرو اس دیار کی باتیں

گر کرو اپنے دل کی بات کرو

ہاں اسی سوگوار کی باتیں

apne lail-o-nahar ki baten

jabr ki ikhtiyar ki baten

har taraf kab se ho rahi hain yahan

gardish-e-rozgar ki baten

char su yan pe maujzan hain sarab

zist ke regzar ki baten

ik zamana guzar gaya yun hi

ham hain aur dasht-e-khar ki baten

is kari dhup mein mazahib mein

shajar-e-saya dar ki baten

hai zamin sakht asman chup hai

wah re parwar digar ki baten

jis ki ik bhi jhalak na dekhi kabhi

kya hun is parda dar ki baten

mat karo be hisar ki baten

mat karo be kanar ki baten

ye jo pyari zamin mili hai tumhen

bas karo is dayar ki baten

gar karo apne dil ki bat karo

han isi sogwar ki baten