پو پھٹی صبح ہوئی شام ہوئی

پو پھٹی صبح ہوئی شام ہوئی

زندگی بس یوں ہی تمام ہوئی

وقت گزرا گزر گئیں صدیاں

نسل انساں نہ شاد کام ہوئی

سر جھکانے سے قد نہیں گھٹتا

سرکشی خود ہی زیر دام ہوئی

ہیں جدا قوموں کی بھی تقدیریں

کوئی ابھری کوئی غلام ہوئی

بڑھتی آبادیوں کے چلتے ہوئے

سب ترقی برائے نام ہوئی

pau phati subh hui sham hui

zindagi bas yun hi tamam hui

waqt guzra guzar gain sadiyan

nasl insan na shad kam hui

sar jhukane se qad nahin ghatta

sarkashi khud hi zer-e-dam hui

hain juda qaumon ki bhi taqdiren

koi ubhri koi ghulam hui

barhti abadiyon ke chalte hue

sab taraqqi bara-e-nam hui