تمام رات چھتوں پر برس گیا پانی

تمام رات چھتوں پر برس گیا پانی

سویرا ہوتے ہی بستی میں بس گیا پانی

پیا کی بانہوں میں دلہن کو کس گیا پانی

اندھیری رات میں برہن کو ڈس گیا پانی

بڑا ہی ناز تھا اپنی خنک مزاجی پر

زمیں کے تپتے توے پر جھلس گیا پانی

وہ ناپتا رہا دھرتی کے سب نشیب و فراز

فریب راحت ماندن میں پھنس گیا پانی

نہانے آئی تھی گندہ ہے کہہ کے لوٹ گئی

کسی کو چھونے کی خاطر ترس گیا پانی

tamam rat chhaton par baras gaya pani

sawera hote hi basti mein bas gaya pani

piya ki banhon mein dulhan ko kis gaya pani

andheri rat mein birhan ko das gaya pani

bara hi naz tha apni khunuk mizaji par

zamin ke tapte tawe par jhulas gaya pani

wo napta raha dharti ke sab nasheb-o-faraz

fareb-e-rahat mandin mein phans gaya pani

nahane ai thi gunda hai kah ke laut gai

kisi ko chhune ki khatir taras gaya pani