سینے پر رکھ ہجرت کا پتھر چپ چاپ

سینے پر رکھ ہجرت کا پتھر چپ چاپ

گھر میں رہ اور چھوڑ دے اپنا گھر چپ چاپ

چیخ چیخ کر موجیں مجھے بلاتی تھیں

میں ڈوبا تو بیٹھ گیا ساگر چپ چاپ

میں صحرا کے بند مکاں میں رہتا ہوں

خوشبو کہاں سے آتی ہے اندر چپ چاپ

گورا چٹا روپ وہ کالا جادو تھا

مجھ پر پھونک کے بھاگ گیا منتر چپ چاپ

میں نے اپنا سینہ چیر کے دکھلایا

لوٹ گئے کیوں درد کے سوداگر چپ چاپ

میرے آنسو پینے شام کو اک چڑیا

میری گود میں آ بیٹھے اڑ کر چپ چاپ

اک تنہا ہے اشکؔ جو بولے جاتا ہے

سب اندر خاموش ہیں سب باہر چپ چاپ

sine par rakh hijrat ka patthar chup chap

ghar mein rah aur chhor de apna ghar chup chap

chikh chikh kar maujen mujhe bulati thin

main duba to baith gaya sagar chup chap

main sahra ke band makan mein rahta hun

khushbu kahan se ati hai andar chup chap

gora chatta rup wo kala jadu tha

mujh par phunk ke bhag gaya mantar chup chap

main ne apna sina chir ke dikhlaya

laut gae kyun dard ke saudagar chup chap

mere ansu pine sham ko ik chiriya

meri god mein a baithe ur kar chup chap

ik tanha hai ashk jo bole jata hai

sab andar khamosh hain sab bahar chup chap