خول سا اوڑھے ہوئے لگتے ہیں لوگ

خول سا اوڑھے ہوئے لگتے ہیں لوگ

بات کیا ہے اتنے چپ کیسے ہیں لوگ

بند کمروں سے ابھی نکلے ہیں لوگ

اور ہی انداز سے ملتے ہیں لوگ

جس کو دیکھو ہے وہی جھلسا ہوا

کس دہکتی آگ سے نکلے ہیں لوگ

کون کسی کی فکر کرتا ہے یہاں

اپنے اپنے جال میں الجھے ہیں لوگ

روشنی کی کیوں نہیں کرتے تلاش

کیوں اندھیرا بانٹتے پھرتے ہیں لوگ

منزلوں کا ذکر ہی بے سود ہے

گمرہی سے مطمئن لگتے ہیں لوگ

زہر پیتے ہیں مگر مرتے نہیں

کچھ نہ پوچھو کیسے کیا کرتے ہیں لوگ

khol sa orhe hue lagte hain log

bat kya hai itne chup kaise hain log

band kamron se abhi nikle hain log

aur hi andaz se milte hain log

jis ko dekho hai wahi jhulsa hua

kis dahakti ag se nikle hain log

kaun kisi ki fikr karta hai yahan

apne apne jal mein uljhe hain log

raushni ki kyun nahin karte talash

kyun andhera bantte phirte hain log

manzilon ka zikr hi be sud hai

gumrahi se mutmain lagte hain log

zahr pite hain magar marte nahin

kuchh na puchho kaise kya karte hain log