رات کیا ڈھل گئی سمندر میں

رات کیا ڈھل گئی سمندر میں

گھل گئی تیرگی سمندر میں

ایک سرخی پہاڑ سے ابھری

پھر اترتی گئی سمندر میں

اک سفینہ کہیں پہ ڈوبا تھا

کتنی ہلچل ہوئی سمندر میں

خود سمندر کی نیند ٹوٹ گئی

رات کچھ یوں ڈھلی سمندر میں

غرق ہوتا گیا کوئی صحرا

دھول اڑتی گئی سمندر میں

کوئی طوفاں ضرور اٹھنا تھا

اپنی کشتی جو تھی سمندر میں

rat kya dhal gai samundar mein

ghul gai tirgi samundar mein

ek surkhi pahar se ubhri

phir utarti gai samundar mein

ik safina kahin pe duba tha

kitni halchal hui samundar mein

khud samundar ki nind tut gai

rat kuchh yun dhali samundar mein

gharq hota gaya koi sahra

dhul urti gai samundar mein

koi tufan zarur uthna tha

apni kashti jo thi samundar mein