چاہا جن کو بھی زندگی کی طرح

چاہا جن کو بھی زندگی کی طرح

وہ ملے مجھ کو اجنبی کی طرح

مجھ کو الہام ہو گیا شاید

بات کرتا ہوں اک نبی کی طرح

جانے کتنے سوال ابھرے ہیں

جب بھی سوچا ہے فلسفی کی طرح

سارا منظر نکھرتا جاتا ہے

کون ہنستا ہے آپ ہی کی طرح

خوب چرچا ہے گو سویروں کا

رات پھر بھی ہے رات ہی کی طرح

وقت کی بات ہے کہ اب تم بھی

ہم سے ملتے ہو اجنبی کی طرح

یہ درندوں کا شہر ہے اس میں

کون ملتا ہے آدمی کی طرح

chaha jin ko bhi zindagi ki tarah

wo mile mujh ko ajnabi ki tarah

mujh ko ilham ho gaya shayad

bat karta hun ik nabi ki tarah

jane kitne sawal ubhre hain

jab bhi socha hai falsafi ki tarah

sara manzar nikharta jata hai

kaun hansta hai ap hi ki tarah

khub charcha hai go saweron ka

rat phir bhi hai rat hi ki tarah

waqt ki bat hai ke ab tum bhi

ham se milte ho ajnabi ki tarah

ye darindon ka shahr hai is mein

kaun milta hai admi ki tarah