پھر فضا میں کوئی زہریلا دھواں بھر جائے گا

پھر فضا میں کوئی زہریلا دھواں بھر جائے گا

پھر کسی دن اپنے اندر کچھ نہ کچھ مر جائے گا

پھیلتا جاتا ہے یہ جو ہر طرف اک شور سا

ایک سناٹا کسی دہلیز پر دھر جائے گا

یوں رہا تو سارے منظر بد نما ہو جائیں گے

اک بھیانک رنگ ہر تصویر میں بھر جائے گا

کر رہا ہے اپنی بستی میں جو خوشیوں کی تلاش

کوئی تیکھا درد اپنے ساتھ لے کر جائے گا

یوں اچانک بھی ہوا کرتا ہے کوئی حادثہ

مجھ کو کیا معلوم تھا وہ اس طرح مر جائے گا

چھا گئی نفرت کی گہری دھند اتنی دور تک

پیار کا سورج وہاں تک کون لے کر جائے گا

راہرو اب تک کھڑے ہیں راہ میں اس آس پر

کوئی آئے گا ادھر اور کچھ نہ کچھ کر جائے گا

phir faza mein koi zahrila dhuan bhar jaega

phir kisi din apne andar kuchh na kuchh mar jaega

phailta jata hai ye jo har taraf ik shor sa

ek sannata kisi dahliz par dhar jaega

yun raha to sare manzar bad numa ho jaenge

ik bhayanak rang har taswir mein bhar jaega

kar raha hai apni basti mein jo khushiyon ki talash

koi tikha dard apne sath le kar jaega

yun achanak bhi hua karta hai koi hadisa

mujh ko kya maalum tha wo is tarah mar jaega

chha gai nafrat ki gahri dhund itni dur tak

pyar ka suraj wahan tak kaun le kar jaega

rahrau ab tak khare hain rah mein is as par

koi aega idhar aur kuchh na kuchh kar jaega