حسرتیں خاموش ہیں اجڑے مزاروں کی طرح

حسرتیں خاموش ہیں اجڑے مزاروں کی طرح

ولولے روشن ہیں کیوں پھر بھی شراروں کی طرح

کچھ نہ کچھ تو ہے دل وحشی تری آواز میں

ورنہ وہ کب دیکھتے تھے بے قراروں کی طرح

کہکشاؤں پر بہکتے جا رہے ہیں آج ہم

مستیاں بکھری ہیں راہوں میں ستاروں کی طرح

یہ کسی کی زلف بکھری ہے کہ بادل چھائے ہیں

برق لہراتی ہے آنچل کے کناروں کی طرح

رفتہ رفتہ اک قیامت بن گیا ان کا شباب

وہ نکھرتے ہی گئے رنگیں نظاروں کی طرح

جام غم پیتے بہکتے لڑکھڑاتے جھومتے

زندگی کا لطف لیں گے بادہ خواروں کی طرح

hasraten khamosh hain ujre mazaron ki tarah

walwale raushan hain kyun phir bhi shararon ki tarah

kuchh na kuchh to hai dil-e-wahshi tiri awaz mein

warna wo kab dekhte the be qararon ki tarah

kekushaon par bahakte ja rahe hain aj ham

mastiyan bikhri hain rahon mein sitaron ki tarah

ye kisi ki zulf bikhri hai ke badal chhae hain

barq lahrati hai anchal ke kinaron ki tarah

rafta rafta ik qayamat ban gaya un ka shabab

wo nikharte hi gae rangin nazaron ki tarah

jam-e-gham pite bahakte larkharate jhumte

zindagi ka lutf lenge bada khwaron ki tarah