گو پرانی ہو چکی وہ ہوش میں آنے کی بات

گو پرانی ہو چکی وہ ہوش میں آنے کی بات

لوگ پھر بھی کر رہے ہیں مجھ کو سمجھانے کی بات

رفتہ رفتہ ڈھل گئی ہے سینکڑوں نغمات میں

اے دل معصوم تیرے ایک افسانے کی بات

اپنا اپنا غم لیے پھرتے ہیں اس دنیا میں لوگ

کون سمجھے گا یہاں اب تیرے دیوانے کی بات

زندگی الجھی ہوئی ہے اور ہی جنجال میں

اب کہاں وہ ساغر و مینا کی میخانے کی بات

اجنبی ماحول میں اپنے تو لب کھلتے نہیں

تم ہی چھیڑو آج اس رنگین افسانے کی بات

go purani ho chuki wo hosh mein ane ki bat

log phir bhi kar rahe hain mujh ko samjhane ki bat

rafta rafta dhal gai hai sainkron naghmat mein

ai dil-e-maasum tere ek afsane ki bat

apna apna gham liye phirte hain is duniya mein log

kaun samjhega yahan ab tere diwane ki bat

zindagi uljhi hui hai aur hi janjal mein

ab kahan wo saghar-o-mina ki maikhane ki bat

ajnabi mahaul main apne to lab khulte nahin

tum hi chhero aj is rangin afsane ki bat