کسی بھی خواب میں جب دل کشی باقی نہیں رہتی

کسی بھی خواب میں جب دل کشی باقی نہیں رہتی

تو پھر جذبات میں وہ بات ہی باقی نہیں رہتی

گزر تو ہو ہی جاتی ہے سنبھل کر چلنے والوں کی

مگر پھر زندگی میں زندگی باقی نہیں رہتی

تمہیں اچھی نہیں لگتیں مری بے باکیاں لیکن

تکلف میں بھی اکثر دوستی باقی نہیں رہتی

جوانی میں بھلا کیسے کریں ہم ہوش کی باتیں

کہ ایسی بے خودی میں آگہی باقی نہیں رہتی

ہٹاؤ ساغر و مینا نہیں مے کی طلب مجھ کو

حسیں آنکھوں سے پی کر تشنگی باقی نہیں رہتی

kisi bhi khwab mein jab dil kashi baqi nahin rahti

to phir jazbat mein wo bat hi baqi nahin rahti

guzar to ho hi jati hai sambhal kar chalne walon ki

magar phir zindagi mein zindagi baqi nahin rahti

tumhen achchhi nahin lagtin miri be bakiyan lekin

takalluf mein bhi aksar dosti baqi nahin rahti

jawani mein bhala kaise karen ham hosh ki baten

ke aisi be khudi mein agahi baqi nahin rahti

hatao saghar-o-mina nahin mai ki talab mujh ko

hasin ankhon se pi kar tishnagi baqi nahin rahti