راہرو کو دور سے منزل سمجھ بیٹھے تھے ہم

راہرو کو دور سے منزل سمجھ بیٹھے تھے ہم

بحر غم میں موج کو ساحل سمجھ بیٹھے تھے ہم

اب تو ہر پیچیدگی اپنی سمجھ میں آ گئی

ورنہ ہر آسان کو مشکل سمجھ بیٹھے تھے ہم

اس میں رہبر کی نہیں تھی بلکہ اپنی بھول تھی

یعنی اک نادان کو عاقل سمجھ بیٹھے تھے ہم

ہر نئی خواہش کو سمجھے تھے مقدس تشنگی

ہر دھڑکتی چیز کو کیوں دل سمجھ بیٹھے تھے ہم

rahrau ko dur se manzil samajh baithe the ham

bahr-e-gham mein mauj ko sahil samajh baithe the ham

ab to har pechidgi apni samajh mein a gai

warna har asan ko mushkil samajh baithe the ham

is mein rahbar ki nahin thi balke apni bhul thi

yaani ik nadan ko aqil samajh baithe the ham

har nai khwahish ko samjhe the muqaddas tishnagi

har dharakti chiz ko kyun dil samajh baithe the ham