عطا کر دی کسی نے وہ بلا کی تشنگی مجھ کو

عطا کر دی کسی نے وہ بلا کی تشنگی مجھ کو

نہ راس آئے گی شاید زندگی بھر زندگی مجھ کو

مری یہ بے بسی تو خیر کچھ ایسی نہیں ہمدم

مگر جینے نہیں دے گی تری بے چارگی مجھ کو

بھلا میں رتبۂ دیوانگی کا مستحق کب تھا

کسی کے پیار نے دے دی یوںہی دیوانگی مجھ کو

کوئی منزل بھی ہو وہ میری منزل ہو نہیں سکتی

ازل سے ہی ملی ہے بے سبب آوارگی مجھ کو

مجھے تو زندگی میں بارہا محسوس ہوتا ہے

مرے معصوم خوابوں نے ہی دی ہے نغمگی مجھ کو

ata kar di kisi ne wo bala ki tishnagi mujh ko

na ras aegi shayad zindagi bhar zindagi mujh ko

miri ye be basi to khair kuchh aisi nahin hamdam

magar jine nahin degi tiri be chargi mujh ko

bhala mein rutba-e-diwangi ka mustahiq kab tha

kisi ke pyar ne de di yunhi diwangi mujh ko

koi manzil bhi ho wo meri manzil ho nahin sakti

azal se hi mili hai be sabab awargi mujh ko

mujhe to zindagi mein barha mahsus hota hai

mire maasum khwabon ne hi di hai naghmagi mujh ko