ایسے گم سم وہ سوچتے کیا تھے

ایسے گم سم وہ سوچتے کیا تھے

جانے یاروں کے فیصلے کیا تھے

ہم تو یوں ہی رکے رہے ورنہ

اپنے آگے وہ فاصلے کیا تھے

بوجھ دل کا اتارنا تھا ذرا

ورنہ تم سے ہمیں گلے کیا تھے

صحرا صحرا لئے پھرے ہم کو

وہ جنوں کے بھی سلسلے کیا تھے

دور تک تھی نہ گر کوئی منزل

پھر وہ اجلے نشان سے کیا تھے

ہم ہی تھے جو یقین کر بیٹھے

ورنہ ان کے وہ معجزے کیا تھے

سر پھرے تھے کہ مسخرے یارو

جو ہمیں یوں لئے پھرے کیا تھے

aise gum sam wo sochte kiya the

jane yaron ke faisle kiya the

ham to yun hi ruke rahe warna

apne age wo fasle kiya the

bojh dil ka utarna tha zara

warna tum se hamen gale kiya the

sahra sahra liye phire ham ko

wo junun ke bhi silsile kiya the

dur tak thi na gar koi manzil

phir wo ujle nishan se kiya the

ham hi the jo yaqin kar baithe

warna un ke wo mojize kiya the

sar phire the ke maskhare yaro

jo hamen yun liye phire kiya the