ذرہ ذرہ پگھلنے والا تھا

ذرہ ذرہ پگھلنے والا تھا

سارا منظر بدلنے والا تھا

صبر ہم سے نہ ہو سکا ورنہ

اپنی ضد سے وہ ٹلنے والا تھا

ضبط کرتے تو ایک اک ذرہ

راز اپنا اگلنے والا تھا

تم اندھیروں سے ڈر گئے یوں ہی

ورنہ سورج نکلنے والا تھا

تم نے اچھا کیا جو تھام لیا

ورنہ میں کب سنبھلنے والا تھا

جو رہا اک حریف کی مانند

وہ مرے ساتھ چلنے والا تھا

ذہن میں وہ جو عکس تھا کب سے

لاکھ شکلوں میں ڈھلنے والا تھا

zarra zarra pighalne wala tha

sara manzar badalne wala tha

sabr ham se na ho saka warna

apni zid se wo talne wala tha

zabt karte to ek ik zarra

raz apna ugalne wala tha

tum andheron se dar gae yun hi

warna suraj nikalne wala tha

tum ne achchha kiya jo tham liya

warna main kab sambhalne wala tha

jo raha ik harif ki manind

wo mire sath chalne wala tha

zehn mein wo jo aks tha kab se

lakh shaklon mein dhalne wala tha