راہ میں یوں تو مرحلے ہیں بہت

راہ میں یوں تو مرحلے ہیں بہت

ہم سفر پھر بھی آ گئے ہیں بہت

یہ الگ بات ہم نہ ڈھونڈھ سکے

ورنہ منزل کے راستے ہیں بہت

جن کو منزل نہ راستے کا پتہ

ایسے رہبر ہمیں ملے ہیں بہت

آؤ سورج کو چھین کر لائیں

یہ اندھیرے تو بڑھ گئے ہیں بہت

دور کی منزلیں ہیں نظروں میں

اب کے یاروں کے حوصلے ہیں بہت

اک جنوں کا جو دور تھا مجھ پر

اس کے قصے ہی بن گئے ہیں بہت

بات کیا ہے کہ ان دنوں ہم لوگ

سوچتے کم ہیں بولتے ہیں بہت

rah mein yun to marhale hain bahut

ham safar phir bhi a gae hain bahut

ye alag bat ham na dhundh sake

warna manzil ke raste hain bahut

jin ko manzil na raste ka pata

aise rahbar hamen mile hain bahut

ao suraj ko chhin kar laen

ye andhere to barh gae hain bahut

dur ki manzilen hain nazron mein

ab ke yaron ke hausle hain bahut

ik junun ka jo dur tha mujh par

us ke qisse hi ban gae hain bahut

bat kya hai ke in dinon ham log

sochte kam hain bolte hain bahut