شہر بدلا ہوا سا لگتا ہے

شہر بدلا ہوا سا لگتا ہے

ہر کوئی اوپرا سا لگتا ہے

مجھ کو اکثر خود اپنے اندر ہی

کچھ بھٹکتا ہوا سا لگتا ہے

جانے کیا بات ہے کہ گھر مجھ کو

روز گرتا ہوا سا لگتا ہے

مجھ کو ہر شخص اپنی بستی کا

خود سے روٹھا ہوا سا لگتا ہے

درد سے یوں نجات کب ہوگی

وقت ٹھہرا ہوا سا لگتا ہے

زخم کھائے ہوئے زمانہ ہوا

درد اب تک نیا سا لگتا ہے

داستانیں ہیں خوب سب کی مگر

اپنا قصہ جدا سا لگتا ہے

shahr badla hua sa lagta hai

har koi upra sa lagta hai

mujh ko aksar khud apne andar hi

kuchh bhatakta hua sa lagta hai

jane kya bat hai ke ghar mujh ko

roz girta hua sa lagta hai

mujh ko har shakhs apni basti ka

khud se rutha hua sa lagta hai

dard se yun najat kab hogi

waqt thahra hua sa lagta hai

zakhm khae hue zamana hua

dard ab tak naya sa lagta hai

dastanen hain khub sab ki magar

apna qissa juda sa lagta hai