مل کے اک بار اسے یاد نہیں ہونے کے

مل کے اک بار اسے یاد نہیں ہونے کے

دل کے اجڑے نگر آباد نہیں ہونے کے

اب نئے ظلم تو ایجاد نہیں ہونے کے

صاحبا ہم کوئی فریاد نہیں ہونے کے

سچے عشاق تو ناپید ہوئے دنیا میں

اب کوئی شیریں و فرہاد نہیں ہونے کے

دل میں ٹھانی ہے بھلا دیں تمہیں دھیرے دھیرے

اور اس عشق میں برباد نہیں ہونے کے

ایک وعدے نے یوں پابستہ کیا ہے ہم کو

اب کسی طور بھی آزاد نہیں ہونے کے

ہم نے ہر حال میں جینے کی قسم کھائی ہے

ہم کبھی زیست میں ناشاد نہیں ہونے کے

ایک کم ظرف سے کیا ظرف کی امید کریں

ہیں جو بونے کبھی شمشاد نہیں ہونے کے

mil ke ik bar use yad nahin hone ke

dil ke ujre nagar abad nahin hone ke

ab nae zulm to ijad nahin hone ke

sahba ham koi fariyad nahin hone ke

sachche ushshaq to napaid hue duniya mein

ab koi shirin-o-farhad nahin hone ke

dil mein thani hai bhula den tumhen dhire dhire

aur is ishq mein barbad nahin hone ke

ek waade ne yun pabasta kiya hai ham ko

ab kisi taur bhi azad nahin hone ke

ham ne har hal mein jine ki qasam khai hai

ham kabhi zist mein nashad nahin hone ke

ek kam zarf se kya zarf ki ummid karen

hain jo bone kabhi shamshad nahin hone ke