کچھ روز چاہتوں کا عجب سلسلہ رہا

کچھ روز چاہتوں کا عجب سلسلہ رہا

وہ دھڑکنوں میں پیار کی صورت بسا رہا

اک شخص جس کو دل سے بھلایا تھا بار بار

یہ دل کہ پھر بھی اس کو سدا سوچتا رہا

جس کے جنوں میں ہم نے بتا دی تمام عمر

یہ کیا کہ عمر بھر ہی وہ ہم سے خفا رہا

یہ سچ ہے مجھ سے ہاتھ چھڑا کر وہ جا چکا

جاتا اسے میں دور تلک دیکھتا رہا

تم اس کی بے رخی پہ پریشاں ہو کس لیے

دل توڑنا تو اس کا سدا مشغلہ رہا

چاہت میں اپنا ذوق سفر بھی عجیب تھا

اس سے ہی شوق حسن مسرتؔ سجا رہا

kuchh roz chahaton ka ajab silsila raha

wo dharkanon mein pyar ki surat basa raha

ik shakhs jis ko dil se bhulaya tha bar bar

ye dil ke phir bhi us ko sada sochta raha

jis ke junun mein ham ne bata di tamam umr

ye kya ke umr bhar hi wo ham se khafa raha

ye sach hai mujh se hath chhura kar wo ja chuka

jata use main dur talak dekhta raha

tum us ki be rukhi pe pareshan ho kis liye

dil torna to us ka sada mashghala raha

chahat mein apna zauq-e-safar bhi ajib tha

us se hi shauq husn masarrat saja raha