ہو سکے تو مجھے اک شام عنایت کرنا

ہو سکے تو مجھے اک شام عنایت کرنا

برپا اس دل پہ مری جان قیامت کرنا

پھر تری یاد میں رقصاں ہے مری وحشت دل

کتنا مشکل ہے تری یاد کو رخصت کرنا

ایسا ٹوٹا ہے تغافل پہ کسی کے یہ دل

ہم سے رو رو کے کہے اب نہ محبت کرنا

پیار کے نام پہ بے مول ہی بک جاتے ہیں

ہم کو آتا نہیں جذبوں کی تجارت کرنا

ہے نوازا تجھے رازق نے تو پھر اے انساں

جتنی ممکن ہو تو دنیا میں سخاوت کرنا

جان لے کہتی ہوں للکار کے میں تجھ سے عدو

میں نے سیکھا ہے سدا سچ کی حمایت کرنا

ہم نے تھاما ہے جو انصاف کا دامن یارو

ہم سے ہرگز نہیں امید رعایت کرنا

ho sake to mujhe ik sham inayat karna

barpa is dil pe miri jan qayamat karna

phir tiri yad mein raqsan hai miri wahshat-e-dil

kitna mushkil hai tiri yad ko rukhsat karna

aisa tuta hai taghaful pe kisi ke ye dil

ham se ro ro ke kahe ab na mohabbat karna

pyar ke nam pe be mol hi bik jate hain

ham ko ata nahin jazbon ki tijarat karna

hai nawaza tujhe raziq ne to phir ai insan

jitni mumkin ho to duniya mein sakhawat karna

jan le kahti hun lalkar ke main tujh se adu

main ne sikha hai sada sach ki himayat karna

ham ne thama hai jo insaf ka daman yaro

ham se hargiz nahin ummid riayat karna