دل کے قرطاس پہ اک لفظ محبت لکھنا

دل کے قرطاس پہ اک لفظ محبت لکھنا

جو کبھی عشق میں کی تھی وہ ریاضت لکھنا

لکھنے بیٹھو جو کبھی دل کی حکایت کوئی

نام اس میں مرا تم حسب روایت لکھنا

پنکھڑی پھول کی لب آنکھ ہے گہرا ساگر

ابرو ہیں تیغ سے اور چال قیامت لکھنا

بھولنے والے اگر یاد کبھی آ جاؤں

بھیگی پلکوں سے فقط اشک ندامت لکھنا

ویسے اخلاق کی دو چار کتابیں پڑھ کر

ہم کو آتا ہی نہیں حرف سیاست لکھنا

ترے ہاتھوں کو جو مالک نے قلم سونپا ہے

جھوٹ کو جھوٹ صداقت کو صداقت لکھنا

تم جنہیں کہتے ہو کافر انہیں آ کر دیکھو

کیسے کرتے ہیں یہ انسان کی خدمت لکھنا

اے غم عشق مرے پاؤں کے چھالے گن کر

دشت الفت کی یہ مجبور مسافت لکھنا

یاد ہے پہلی محبت کی خماری اب تک

وہ درختوں پہ ترا نام مسرتؔ لکھنا

dil ke qirtas pe ik lafz-e-mohabbat likhna

jo kabhi ishq mein ki thi wo riyazat likhna

likhne baitho jo kabhi dil ki hikayat koi

nam is mein mira tum hasb-e-riwayat likhna

pankhuri phul ki lab ankh hai gahra sagar

abru hain tegh se aur chal qayamat likhna

bhulne wale agar yad kabhi a jaun

bhigi palkon se faqat ashk-e-nadamat likhna

waise akhlaq ki do char kitaben parh kar

ham ko ata hi nahin harf-e-siyasat likhna

tire hathon ko jo malik ne qalam saunpa hai

jhut ko jhut sadaqat ko sadaqat likhna

tum jinhen kahte ho kafir unhen a kar dekho

kaise karte hain ye insan ki khidmat likhna

ai gham-e-ishq mire paon ke chhale gin kar

dasht-e-ulfat ki ye majbur masafat likhna

yad hai pahli mohabbat ki khumari ab tak

wo darakhton pe tira nam masarrat likhna