دے گئے زخم مرے چاہنے والے مجھ کو

دے گئے زخم مرے چاہنے والے مجھ کو

آج تنہا ہوں بہت کوئی سنبھالے مجھ کو

ڈوبنے والے کو تنکے کا سہارا بھی بہت

کوئی ایسا ہو کہ آ کر جو بچا لے مجھ کو

وہ جو کہتے تھے کہ جیون کی خوشی ہو تم ہی

کر گئے آج وہی غم کے حوالے مجھ کو

دل صد چاک کو وہ خار سے کرتا ہے رفو

ہائے یہ بخیہ گری مار نہ ڈالے مجھ کو

ایک مدت سے میں خود سے بھی ہوں روٹھی روٹھی

اے مری جان کبھی آ کے منا لے مجھ کو

ہے سفر دشت کا مشکل تو مگر ہمت کر

حوصلہ دینے لگے پاؤں کے چھالے مجھ کو

یاد آتی ہے مجھے ماں کی وہ ممتا اکثر

لاڈ سے جب وہ کھلاتی تھی نوالے مجھ کو

de gae zakhm mire chahne wale mujh ko

aj tanha hun bahut koi sambhale mujh ko

dubne wale ko tinke ka sahara bhi bahut

koi aisa ho ke a kar jo bacha le mujh ko

wo jo kahte the ke jiwan ki khushi ho tum hi

kar gae aj wahi gham ke hawale mujh ko

dil-e-sad chak ko wo khar se karta hai rafu

hae ye bakhiya giri mar na dale mujh ko

ek muddat se main khud se bhi hun ruthi ruthi

ai miri jan kabhi a ke mana le mujh ko

hai safar dasht ka mushkil to magar himmat kar

hausla dene lage paon ke chhale mujh ko

yad ati hai mujhe man ki wo mamta aksar

lad se jab wo khilati thi niwale mujh ko