کچھ ایسا ہو گیا ہے یار اپنا

کچھ ایسا ہو گیا ہے یار اپنا

گلہ بنتا ہے اب بے کار اپنا

پس پردہ بہت بے پردگی ہے

بہت بیزار ہے کردار اپنا

خرابے میں کسے اپنی خبر ہے

اگرچہ کر لیا انکار اپنا

در و دیوار سے جھڑتی ہے حیرت

کہاں لے جاؤں میں آزار اپنا

وفور نشۂ لغزش کے باعث

ہوا ہے راستہ ہموار اپنا

پتنگے گھیر لاتا ہوں کہیں سے

دیے کی لو سے جو ہے پیار اپنا

رضاؔ یہ پھول ہونے کی تمنا

کسی کی سانس پر ہے بار اپنا

kuchh aisa ho gaya hai yar apna

gila banta hai ab be kar apna

pas-e-parda bahut be pardagi hai

bahut bezar hai kirdar apna

kharabe mein kise apni khabar hai

agarche kar liya inkar apna

dar-o-diwar se jharti hai hairat

kahan le jaun main azar apna

wafur-e-nasha-e-laghzish ke bais

hua hai rasta hamwar apna

patange gher lata hun kahin se

diye ki lau se jo hai pyar apna

raza ye phul hone ki tamanna

kisi ki sans par hai bar apna