اس نے بھی خود کو بے کنار کیا

اس نے بھی خود کو بے کنار کیا

جس کا ساحل نے انتظار کیا

آئنے میں سلگ رہا تھا لہو

پھر بھی حیرت کا دل شمار کیا

کورا ہونے سے پیشتر میں نے

ایک اک رنگ اختیار کیا

میری دیوانگی بھروسہ رکھ

میں نے پانی کو بھی غبار کیا

میں کہیں بھی پہنچ نہیں پایا

کیونکہ سائے کو رہ گزار کیا

تم بھی مصروف ہو رہے ہو رضاؔ

تم نے بھی عشق اختیار کیا

us ne bhi khud ko be kanar kiya

jis ka sahil ne intizar kiya

aine mein sulag raha tha lahu

phir bhi hairat ka dil shumar kiya

kora hone se peshtar main ne

ek ik rang ikhtiyar kiya

meri diwangi bharosa rakh

main ne pani ko bhi ghubar kiya

main kahin bhi pahunch nahin paya

kyunke sae ko rah guzar kiya

tum bhi masruf ho rahe ho raza

tum ne bhi ishq ikhtiyar kiya