جیسے ہوں نقب کاری کے آلات مرے ہاتھ

جیسے ہوں نقب کاری کے آلات مرے ہاتھ

دستک سے الجھتے رہے کل رات مرے ہاتھ

قدموں سے لپٹ جائے فرات آج بھی میرے

دجلہ کے کناروں سے کریں بات مرے ہاتھ

موسیقیٔ باراں ہو کہ ہو بات تمہاری

لکھتے ہیں بڑے شوق سے نغمات مرے ہاتھ

ہے جس کا فسوں دہر کی ہر شے میں نمایاں

اس کے بھی رقم کرتے ہیں جذبات مرے ہاتھ

کرتی رہیں عباس کا گریہ مری آنکھیں

لکھتے رہیں زینب کی فتوحات مرے ہاتھ

ہیں پاک سبھی آل نبی رجس سے تابشؔ

تطہیر سے آیا ہے یہ اثبات مرے ہاتھ

jaise hun naqb kari ke alat mire hath

dastak se ulajhte rahe kal rat mire hath

qadmon se lipat jae furat aj bhi mere

dajla ke kinaron se karen bat mire hath

mausiqi-e-baran ho ke ho bat tumhari

likhte hain bare shauq se naghmat mire hath

hai jis ka fusun dahr ki har shai mein numayan

us ke bhi raqam karte hain jazbat mire hath

karti rahen abbas ka girya miri ankhen

likhte rahen zinib ki futuhat mire hath

hain pak sabhi al-e-nabi rijs se tabish

tathir se aya hai ye isbat mire hath