کیا اذیت ہے مرد ہونے کی

کیا اذیت ہے مرد ہونے کی

کوئی بھی جا نہیں ہے رونے کی

دائرہ قید کی علامت ہے

چاہے انگوٹھی پہنو سونے کی

سانس پھونکی گئی بڑا احسان

چابی بھر دی گئی کھلونے کی

ایسی سردی میں شرط چادر ہے

اوڑھنے کی ہو یا بچھونے کی

بوجھ جیسا تھا جس کا تھا مجھے کیا

مجھے اجرت ملی ہے ڈھونے کی

میں جزیرے ڈبونے والا ہوں

خو نہیں کشتیاں ڈبونے کی

kya aziyyat hai mard hone ki

koi bhi ja nahin hai rone ki

daira qaid ki alamat hai

chahe anguthi pahno sone ki

sans phunki gai bara ehsan

chabi bhar di gai khilaune ki

aisi sardi mein shart chadar hai

orhne ki ho ya bichhaune ki

bojh jaisa tha jis ka tha mujhe kya

mujhe ujrat mili hai dhone ki

main jazire dubone wala hun

khu nahin kashtiyan dubone ki