حصار ہجر کے جغرافیے سمجھ آئے

حصار ہجر کے جغرافیے سمجھ آئے

جب اپنے دور ہوئے مرثیے سمجھ آئے

میں واپس آ کے بتاؤں گی ان کا حال تمہیں

اگر مزار پہ جلتے دیے سمجھ آئے

تمہارے عشق کی ان ساعتوں کے بعد ہمیں

مصوری کے نئے زاویے سمجھ آئے

تراش ڈالوں گی الفاظ کو بہ صورت شعر

وہ لکھنے والے نے لکھے تھے بغض میں جل کر

مورخین کو جو حاشیے سمجھ آئے

ہمیں پسند نہ تھا مشکلوں میں رہنا بھی

سو جتنے روز جہاں میں جیے سمجھ آئے

بہت سے نقش ادھورے ہیں اب تلک تابشؔ

بہت سے لوگ تمہارے لیے سمجھ آئے

hisar-e-hijr ke jughrafiye samajh ae

jab apne daur hue marsiye samajh ae

main wapas a ke bataungi un ka hal tumhen

agar mazar pe jalte diye samajh ae

tumhare ishq ki in saaton ke baad hamen

musawwiri ke nae zawiye samajh ae

tarash dalungi alfaz ku ba surat sher

wo likhne wale ne likhe the bughz mein jal kar

morkhen ko jo hashiye samajh ae

hamen pasand na tha mushkilon mein rahna bhi

so jitne roz jahan mein jiye samajh ae

bahut se naqsh adhure hain ab talak tabish

bahut se log tumhare liye samajh ae