ترے دماغ میں بچپن کی لاش تھوڑی ہے

ترے دماغ میں بچپن کی لاش تھوڑی ہے

مری طرح تجھے فکر معاش تھوڑی ہے

ہمارے ہاں تو نہیں چلتا حکم کا اکا

ہمارا کھیل محبت ہے تاش تھوڑی ہے

جہاں سے چاہا اٹھا کر چکھا رکھا واپس

شعور ذات کسی پھل کی قاش تھوڑی ہے

چھپانا پڑتا ہے دل کا معاملہ اکثر

اکیلے ملتے ہیں یہ راز فاش تھوڑی ہے

صباؔ کسی کے لیے در بدر نہیں رہتی

خدائی کو بھی خدا کی تلاش تھوڑی ہے

tire dimagh mein bachpan ki lash thori hai

miri tarah tujhe fikr-e-maash thori hai

hamare han to nahin chalta hukm ka ikka

hamara khel mohabbat hai tash thori hai

jahan se chaha utha kar chakha rakha wapas

shuur-e-zat kisi phal ki qash thori hai

chhupana parta hai dil ka muamla aksar

akele milte hain ye raz fash thori hai

saba kisi ke liye dar badar nahin rahti

khudai ko bhi khuda ki talash thori hai