بڑھ گئی ہیں قربتیں بھی فاصلوں کے ساتھ ساتھ

بڑھ گئی ہیں قربتیں بھی فاصلوں کے ساتھ ساتھ

اور محبت بڑھ رہی ہے قربتوں کے ساتھ ساتھ

ہم جو تھے محو سفر یک لخت تنہا ہو گئے

کھو گئی منزل ہماری راستوں کے ساتھ ساتھ

جو محبت کے امیں تھے کس طرف کو چل دئے

بند دروازہ پڑا ہے کھڑکیوں کے ساتھ ساتھ

چائے کا کپ ہاتھ میں تھا اور غزل جاری رہی

فاعلاتن فاعلاتن کی دھنوں کے ساتھ ساتھ

میں سڑک پر چل رہی ہوں تھام کر اس کا خیال

ایک صحرا چل رہا ہے پانیوں کے ساتھ ساتھ

قہقہے تنہائی دہشت میں مری تاریکیاں

رات کاٹی جا رہی ہے رتجگوں کے ساتھ ساتھ

barh gai hain qurbaten bhi faslon ke sath sath

aur mohabbat barh rahi hai qurbaton ke sath sath

ham jo the mahw-e-safar yak lakht tanha ho gae

kho gai manzil hamari raston ke sath sath

jo mohabbat ke amin the kis taraf ko chal diye

band darwaza para hai khirkiyon ke sath sath

chae ka kap hath mein tha aur ghazal jari rahi

falatan falatan ki dhunon ke sath sath

main sarak par chal rahi hun tham kar us ka khayal

ek sahra chal raha hai paniyon ke sath sath

qahqahe tanhai dahshat mein miri tarikiyan

rat kati ja rahi hai ratjagon ke sath sath