تری سوکھے ہوئے ہونٹوں پہ آ جانے سے کیا ہوگا

تری سوکھے ہوئے ہونٹوں پہ آ جانے سے کیا ہوگا

بہت ترسے ہیں ساقی ایک پیمانے سے کیا ہوگا

جو آنکھیں دیکھتی رہتی ہیں جھٹلانے سے کیا ہوگا

نظر تڑپا رہی ہے دل کو بہلانے سے کیا ہوگا

نشیمن کی بنا رکھی ہے کچھ تو سوچ کر ہم نے

چما چم بجلیاں ہر سو چمک جانے سے کیا ہوگا

محبت نے کہا تیار کر کے پہلا دیوانہ

ابھی لاکھوں بنیں گے ایک دیوانے سے کیا ہوگا

ہزاروں انقلاب درد ہیں کروٹ سے کروٹ تک

تڑپتے ہی رہو پہلو بدل جانے سے کیا ہوگا

رضاؔ دیکھو جو تم ان کی طرف سے دل میں کہتے تھے

طبیعت میں ذرا سا انقلاب آنے سے کیا ہوگا

tiri sukhe hue honton pe a jane se kya hoga

bahut tarse hain saqi ek paimane se kya hoga

jo ankhen dekhti rahti hain jhutlane se kya hoga

nazar tarpa rahi hai dil ko bahlane se kya hoga

nasheman ki bana rakhi hai kuchh to soch kar ham ne

chama cham bijliyan har su chamak jane se kya hoga

mohabbat ne kaha tayyar kar ke pahla diwana

abhi lakhon banenge ek diwane se kya hoga

hazaron inqilab-e-dard hain karwat se karwat tak

tarapte hi raho pahlu badal jane se kya hoga

raza dekho jo tum un ki taraf se dil mein kahte the

tabiat mein zara sa inqilab ane se kya hoga