آج یوں دل نے ان کا نام لیا

آج یوں دل نے ان کا نام لیا

جیسے گرتے ہوئے کو تھام لیا

ہم نے بے انتہا وفا کر کے

بے وفاؤں سے انتقام لیا

مجھ کو کہنا تھا تم سے کیا کیا کچھ

تم نے بھی کس نظر سے کام لیا

بات پوری نہ کر سکے ان سے

جب لیا عہد ناتمام لیا

جیسے پہلے کبھی ملی ہی نہ تھیں

ان نگاہوں نے یوں سلام لیا

واہ ذکر حبیب کیا کہنا

آہ کس بے وفا کا نام لیا

تھا تو ان سے گلہ رضاؔ لیکن

اپنے ہی دل سے انتقام لیا

aj yun dil ne un ka nam liya

jaise girte hue ko tham liya

ham ne be intiha wafa kar ke

be wafaon se intiqam liya

mujh ko kahna tha tum se kya kiya kuchh

tum ne bhi kis nazar se kam liya

bat puri na kar sake un se

jab liya ahd-e-natamam liya

jaise pahle kabhi mili hi na thin

un nigahon ne yun salam liya

wah zikr-e-habib kya kahna

ah kis be wafa ka nam liya

tha to un se gila raza lekin

apne hi dil se intiqam liya