حسن کی فطرت میں دل آزاریاں

حسن کی فطرت میں دل آزاریاں

اس پہ ظالم نت نئی تیاریاں

متصل طفلی سے آغاز شباب

خواب کے آغوش میں بیداریاں

سوچ کر ان کی گلی میں جائے کون

بے ارادہ ہوتی ہیں تیاریاں

درد دل اور جان لیوا پرسشیں

ایک بیماری کی سو بیماریاں

اور دیوانے کو دیوانہ بناؤ

اللہ اللہ اتنی خاطر داریاں

بندھ رہا ہے اے رضاؔ رخت سفر

ہو رہی ہیں کوچ کی تیاریاں

husn ki fitrat mein dil azariyan

us pe zalim nit nai tayyariyan

muttasil tifli se aghaz-e-shabab

khwab ke aghosh mein bedariyan

soch kar un ki gali mein jae kaun

be irada hoti hain tayyariyan

dard-e-dil aur jan lewa pursishen

ek bimari ki so bimariyan

aur diwane ko diwana banao

allah allah itni khatir dariyan

bandh raha hai ai raza rakht-e-safar

ho rahi hain kuch ki tayyariyan