کوئی خوشبو نہ پھول ہوں میں تو

کوئی خوشبو نہ پھول ہوں میں تو

سر سے پا تک ببول ہوں میں تو

تیری درگاہ سے گلہ کیسا

خود کو بھی کب قبول ہوں میں تو

چاندنی مجھ کو سجدے کرتی ہے

تیرے قدموں کی دھول ہوں میں تو

جانے مجھ سے بچھڑ گیا ہے کون

ہر جنم میں ملول ہوں میں تو

طفل دل کی دعا لکھے جس کو

اس غزل کا سکول ہوں میں تو

کیوں دکھاتے ہو مجھ کو تلواریں

لاجونتی کا پھول ہوں میں تو

زخم کھاتا ہوں شکر کرتا ہوں

ہاں خلافت اصول ہوں میں تو

اشکؔ اس کاروباری دنیا میں

آدمی اک فضول ہوں میں تو

koi khushbu na phul hun main to

sar se pa tak babul hun main to

teri dargah se gila kaisa

khud ko bhi kab qubul hun main to

chandni mujh ko sajde karti hai

tere qadmon ki dhul hun main to

jane mujh se bichhar gaya hai kaun

har janam mein malul hun main to

tifl-e-dil ki dua likhe jis ko

is ghazal ka sakul hun main to

kyun dikhate ho mujh ko talwaren

lajwanti ka phul hun main to

zakhm khata hun shukr karta hun

han khilafat usul hun main to

ashk is karobari duniya mein

admi ik fuzul hun main to