سوچ کیا اس کا ملا کیا اور کیا مطلوب تھا

سوچ کیا اس کا ملا کیا اور کیا مطلوب تھا

خواب ہی ٹھہرا تو جتنی دیر دیکھا خوب تھا

آگ دے دے کر بحد آشیاں یہ انتقام

تنکا تنکا کیوں کسی کو اس قدر محبوب تھا

وہ نگاہوں کے پیام اور وہ پیاموں کی بہار

دیکھیے میری طرف وہ بھی زمانہ خوب تھا

اب تو سودائے محبت ہے فقط دیوانگی

ورنہ سودائے محبت کا بھی اک اسلوب تھا

کب کھلا عقدہ رضاؔ جب کر چکے اظہار شوق

مدعا جائز تھا حرف مدعا معیوب تھا

soch kya us ka mila kya aur kiya matlub tha

khwab hi thahra to jitni der dekha khub tha

ag de de kar bahad ashiyan ye intiqam

tinka tinka kyun kisi ko is qadar mahbub tha

wo nigahon ke payam aur wo payamon ki bahar

dekhiye meri taraf wo bhi zamana khub tha

ab to sauda-e-mohabbat hai faqat diwangi

warna sauda-e-mohabbat ka bhi ik uslub tha

kab khula uqda raza jab kar chuke izhar-e-shauq

muddaa jaiz tha harf-e-muddaa maayub tha