نہ رکھا کہیں کا نہ اپنا بنایا

نہ رکھا کہیں کا نہ اپنا بنایا

وہ کیا چاہتے ہیں سمجھ میں نہ آیا

دیا دل تو کیف وفا ہاتھ آیا

وہ کیا جانے جس نے نہ کھویا نہ پایا

یہی فرض کر لو کہ درد محبت

نہ تم نے سنا اور نہ میں نے سنایا

کڑی دھوپ میں ہے محبت کی منزل

ذرا دیر کا ہے سر راہ سایا

نشیمن غریبوں کے اجڑے پڑے ہیں

ہوائے گلستاں کو چلنا نہ آیا

رضاؔ کھیلنا تھا غم زندگی سے

محبت کو ہم نے وسیلہ بنایا

na rakha kahin ka na apna banaya

wo kya chahte hain samajh mein na aya

diya dil to kaif-e-wafa hath aya

wo kya jane jis ne na khoya na paya

yahi farz kar lo ke dard-e-mohabbat

na tum ne suna aur na main ne sunaya

kari dhup mein hai mohabbat ki manzil

zara der ka hai sar-e-rah saya

nasheman gharibon ke ujre pare hain

hawa-e-gulistan ko chalna na aya

raza khelna tha gham-e-zindagi se

mohabbat ko ham ne wasila banaya