Arooz is now on the App Store, for iPhone and iPad. Download →

All poetry

وقار ضبط یہی دل کو دل بنا کے رہا

Aal-e-Raza Raza (1896–1978)

وقار ضبط یہی دل کو دل بنا کے رہا

جہاں سے درد اٹھا تھا وہیں سما کے رہا

مزاج یار تجھے کیوں وہ اعتبار تھا شاق

یہ آئے دن کا تلون جسے مٹا کے رہا

ہوا کے رخ پہ سنبھل کر چلی تو تھی کشتی

مگر وہ رخ تھا کہ طوفان ہی اٹھا کے رہا

ملال کو تھی یہ ضد اب ترا خیال نہ آئے

خیال آ کے رہا اور ملال جا کے رہا

تم اپنے ساتھ زمانے کو لے کے بدلے ہو

رضاؔ بھی بدلا مگر پاس کیا رضاؔ کے رہا