جنوں بگڑی ہوئی حالات کے بننے کا گماں کب تک

جنوں بگڑی ہوئی حالات کے بننے کا گماں کب تک

گریباں جا چکا کب کا رہیں گی دھجیاں کب تک

محبت نا شناسوں میں محبت کی فغاں کب تک

نہ جانے کٹ کے دل سے کام دے گی اب زباں کب تک

تہیہ کر چکے جس بے وفا کو بھول جانے کا

اسی کی یاد آخر دل میں لے گی چٹکیاں کب تک

ادھر تنکا اٹھایا اور ادھر پھر برق نے پوچھا

کہ پھر تیار ہو جائے گا بن کر آشیاں کب تک

کھلے کچھ پیکر امید یا یہ وہم مٹ جائے

نظر آئیں گی دھندھلی دھندھلی سی پرچھائیاں کب تک

تمہاری آس پر کس کس طرح دل کو نہ سمجھایا

مگر یہ اہتمام خود فریبی مہرباں کب تک

رضاؔ کب سے یہی فریاد ہے باغ تمنا کی

مجھے لوٹے چلا جائے گا میرا باغباں کب تک

junun bigri hui halat ke banne ka guman kab tak

gareban ja chuka kab ka rahengi dhajjiyan kab tak

mohabbat na shanason mein mohabbat ki fughan kab tak

na jane kat ke dil se kam degi ab zaban kab tak

tahye kar chuke jis be wafa ko bhul jane ka

usi ki yad akhir dil mein legi chutkiyan kab tak

idhar tinka uthaya aur idhar phir barq ne puchha

ke phir tayyar ho jaega ban kar ashiyan kab tak

khule kuchh paikar-e-ummid ya ye wahm mit jae

nazar aengi dhundhuli dhundhuli si parchhaiyan kab tak

tumhari as par kis kis tarah dil ko na samjhaya

magar ye ehtimam-e-khud farebi mehrban kab tak

raza kab se yahi fariyad hai bagh-e-tamanna ki

mujhe laute chala jaega mera baghban kab tak