اک چاہ کی نگاہ کا افسانہ بن گیا

اک چاہ کی نگاہ کا افسانہ بن گیا

وہ انگلیاں اٹھیں کہ میں دیوانہ بن گیا

اپنے ہی دل کی بات ہے اپنے کئے کی لاج

کعبہ بنا رہا تھا میں بت خانہ بن گیا

اللہ رے بزم ناز تری ناشناسیاں

جس کو کیا سلام وہ بیگانہ بن گیا

چپکے سے ان کا نام لیا دل سے بات کی

یہ کون سن رہا تھا کہ افسانہ بن گیا

خلاق حسن و عشق بڑا دل نواز ہے

تخلیق شمع ہوتے ہی پروانہ بن گیا

دنیا کے تخت و تاج رضاؔ ٹھوکروں پہ ہیں

کیا چیز اپنا ٹھاٹھ فقیرانہ بن گیا

ik chah ki nigah ka afsana ban gaya

wo ungliyan uthen ke main diwana ban gaya

apne hi dil ki bat hai apne kiye ki laj

kaaba bana raha tha main but khana ban gaya

allah re bazm-e-naz tiri nashinasiyan

jis ko kiya salam wo begana ban gaya

chupke se un ka nam liya dil se bat ki

ye kaun sun raha tha ke afsana ban gaya

khallaq husn-o-ishq bara dil nawaz hai

takhliq shama hote hi parwana ban gaya

duniya ke takht-o-taj raza thokaron pe hain

kya chiz apna thath faqirana ban gaya