بقدر شوق جو اب ان کا آسرا نہ رہا

بقدر شوق جو اب ان کا آسرا نہ رہا

جئے تو جاتے ہیں جینے کا حوصلہ نہ رہا

اسی کو ہم نے منایا اسی کو چھیڑیں گے

خفا بھی ہو کے جو ہم سے بہت خفا نہ رہا

خیال میں بھی یہ آئے تو سانس رک جائے

کہ ہم سے ان سے محبت کا واسطہ نہ رہا

ہمیں کچھ ان سے تھے شکوے مگر اسی حد تک

کہ مسکرا کے سنا اور کوئی گلہ نہ رہا

غم فراق ذرا سی تو آس رہنے دے

کہیں ملے تو کہیں گے رضاؔ رضاؔ نہ رہا

baqadr-e-shauq jo ab un ka asra na raha

jiye to jate hain jine ka hausla na raha

usi ko ham ne manaya usi ko chherenge

khafa bhi ho ke jo ham se bahut khafa na raha

khayal mein bhi ye ae to sans ruk jae

ke ham se un se mohabbat ka wasta na raha

hamen kuchh un se the shikwe magar isi had tak

ke muskura ke suna aur koi gila na raha

gham-e-firaq zara si to as rahne de

kahin mile to kahenge raza raza na raha