دن ہے بھاری غم فرقت کے گرفتاروں پر

دن ہے بھاری غم فرقت کے گرفتاروں پر

رات کٹتی ہے دہکتے ہوئے انگاروں پر

حسن والوں کی خدائی ہے خدائی برہم

کس کو رحم آئے محبت کے گنہگاروں پر

پھونک دے برق نشیمن کو چمک کر نہ ڈرائے

آنکھیں اب رکھی نہیں جاتی ہیں انگاروں پر

دل کی قیمت نہیں کوئی کہ یہی ایک ہے دل

میں نے خود چھوڑ دیا مول خریداروں پر

عاشقی کو جو گدائی سے ملایا نہ رضاؔ

تو رعونت کا بھی الزام ہے خودداروں پر

din hai bhari gham-e-furqat ke giraftaron par

rat katti hai dahakte hue angaron par

husn walon ki khudai hai khudai barham

kis ko rahm ae mohabbat ke gunahgaron par

phunk de barq nasheman ko chamak kar na darae

ankhen ab rakhi nahin jati hain angaron par

dil ki qimat nahin koi ke yahi ek hai dil

main ne khud chhor diya mol kharidaron par

ashiqi ko jo gadai se milaya na raza

tu raunat ka bhi ilzam hai khuddaron par