جبین شوق پہ گرد ملال چاہتی ہے

جبین شوق پہ گرد ملال چاہتی ہے

مری حیات سفر کا مآل چاہتی ہے

میں وسعتوں کا طلب گار اپنے عشق میں ہوں

وہ میری ذات میں اک یرغمال چاہتی ہے

ہمیں خبر ہے کہ اس مہرباں کی چارہ گری

ہمارے زخموں کا کب اندمال چاہتی ہے

تمہارے بعد مری آنکھ ضد پہ آ گئی ہے

وہی جمال وہی خد و خال چاہتی ہے

ہم اس کے جبر کا قصہ تمام چاہتے ہیں

اور اس کی تیغ ہمارا زوال چاہتی ہے

ہری رتوں کو ادھر کا پتہ نہیں معلوم

برہنہ شاخ عبث دیکھ بھال چاہتی ہے

jabin-e-shauq pe gard-e-malal chahti hai

miri hayat safar ka maal chahti hai

main wusaton ka talab gar apne ishq mein hun

wo meri zat mein ik yarghamal chahti hai

hamen khabar hai ke is mehrban ki chara giri

hamare zakhmon ka kab indimal chahti hai

tumhare baad miri ankh zid pe a gai hai

wahi jamal wahi khad-o-khal chahti hai

ham us ke jabr ka qissa tamam chahte hain

aur us ki tegh hamara zawal chahti hai

hari ruton ko idhar ka pata nahin maalum

barahna shakh abas dekh bhal chahti hai