ہوا کے ہونٹ کھلیں ساعت کلام تو آئے

ہوا کے ہونٹ کھلیں ساعت کلام تو آئے

یہ ریت جیسا بدن آندھیوں کے کام تو آئے

منافقت کی سبھی تہمتیں مجھے دے دے

مرے طفیل رفیقوں میں تیرا نام تو آئے

اسے اداس نہ کر دے یہ میری سست روی

میں اب کے سست چلوں وہ سبک خرام تو آئے

غم حیات غم روزگار بے وطنی

سکون سے جو ڈھلے کاش ایسی شام تو آئے

hawa ke hont khulen saat-e-kalam to ae

ye ret jaisa badan andhiyon ke kam to ae

munafaqat ki sabhi tohmaten mujhe de de

mire tufail rafiqon mein tera nam to ae

use udas na kar de ye meri sust rawi

main ab ke sust chalun wo subuk khiram to ae

gham-e-hayat-e-gham rozgar be watani

sukun se jo dhale kash aisi sham to ae