جہاں خراب سہی ہم بدن دریدہ سہی

جہاں خراب سہی ہم بدن دریدہ سہی

تری تلاش میں نکلے ہیں پا بریدہ سہی

جہان شعر میں میری کئی ریاستیں ہیں

میں اپنے شہر میں گمنام و ناشنیدہ سہی

بھلے ہی چھاؤں نہ دے آسرا تو دیتا ہے

یہ آرزو کا شجر ہے خزاں رسیدہ سہی

انہی بجھی ہوئی آنکھوں میں خواب اتریں گے

یقیں نہ چھوڑ یہ بیمار و شب گزیدہ سہی

دلوں کو جوڑنے والی غزل سلامت ہے

تعلقات ہمارے بھلے کشیدہ سہی

jahan kharab sahi ham badan darida sahi

tiri talash mein nikle hain pa burida sahi

jahan-e-sher mein meri kai riyasaten hain

main apne shahr mein gumnam-o-nashanida sahi

bhale hi chhaon na de asra to deta hai

ye arzu ka shajar hai khizan rasida sahi

unhi bujhi hui ankhon mein khwab utrenge

yaqin na chhor ye bimar-o-shab gazida sahi

dilon ko jorne wali ghazal salamat hai

taalluqat hamare bhale kashida sahi